Chi semm
La prima Osteria Insubra, con cusina milanesa e biraria.
Piatt de la tradizion insubra, birr de Vares - oltra a ona gran scerna de birr forest - vin de S.Colomban e bibit de Caslin (comè la spuma nera e el ginger). Dai risòtt a la polenta, da la cotoletta a la torta paisana, ai nòster elaborazion cont i ingredient tradizionai.
Per passà ona serada a pacià ò anca domà a bev in compagnia, a giugà ai cart e a fà conoscenz e amicizia.
Questa l'è l'Osteria Sant Andrea: on sit indoe tornà ai nòster radìs pussee ver e stà lì bei quiett e a divertiss cont i gamb sòtta al taol.
Ma l'Osteria l'è anca coltura: musica, presentazion de liber, laboratòri teatral, cors de dialett, e, soratutt, tanti amìs...
El Gestor
El Lorenz Banfi
Nassuu a Soree in del 1963, diplomaa in chimica, scrittor, traduttor de liber in milanes, praticant de arti marziai, occidentai e orientai, espert de stòria e linguistica (El Princip Piscinin, Dracula), l’è barman e maester spillador de bira a la tedesca. Domandégh minga cerescoronabecks ò la weizen col limon...
El Sceff
El Max Peca, coeugh professionista famos per i sò risòtt. La colònna de la cusina.
La Dani
El sorris, la gentilezza, per sentiss a cà.
La Bambi
L’ultim acquist de l’Osteria. Ma la ven sù ben.
|
|
|
